Koyo Berz yew nuskarê Zazakiyo. Kıtabanê şiir u estanike, yew qısebendê Zazaki u yew kıtabê gramerê Zazaki neşir kerd.

Héyatê Koyo Berzi

Koyo Berz dı serda 1951 dı, dewa Sêwrege (Soyregı) Mextele dı ameyo dınya. Wendena xo ya destpeykerdenı heta sınıfa çıhari dewda Anazoy dı wendo. Sınıfa panci ji Sêwregı dı, wendexaneyê Şair İbrahim Rafeti dı temam kerdo (1964).

Wendena xo ya werti u Lise ji Sêwrege (Soyregı) dı temam keno (1969-1970).

Dı serda 1977 an dı tay enbazandê xo yê kariya piya sendiqa Yeni Ges İşi vırazenê u no beno sekreterê cı. Heta Cuntada 1980 ay nê karê xo yê sekreterey rameno. Dı serda 1977 an dı fınê, 1978 an dı dı fıni, 1979 an dı fınê, 1980 dı hirê fıni dahwa çepey u Kurdayetey ra yeno tepıştenı.

Sera 1980 an a menga hewtan dı tayınê ney vejenê Yozgat u ê çıhar teknisenandê cı ji vejenê Erzurum. Nê rapori gênê u nêşınê, heta 12 ê Eluna 1980 an. Sera 1981 an a menga awdarı dı dahwa DDKD ra yeno tepıştenı u 34 roji Polis Kolejiyê Adına dı iskenci bın dı maneno. Vıradeyêno, fına 1982 an yeno tepıştenı u 65 roji Rıha (Urfa) idare dı maneno. Dı serda 1983 an dı fına yeno tepıştenı u hewt mengi hepısdê Qarataşi dı maneno. Nê semedan ra kardê xo ra yeno eştenı. Aman nêdayenda polisan ver, mecbur maneno bar kero u key xo bero Sêwrege (Soyregı). Polisi vıja dı ji cı rehat nêverdanê. Sera 1986 dı remeno şıno (İsveç). Nuştox jewjınayeyo u panc qeçê cı estê.

Kıtaba cı ya sıfteyênı Na Xumxum a, a dıdını Siyamed u Xeca. Xeylê rojnameyandê Kurdki dı ji nuştey cı ameyê weşanayenı.

Koyo Berz’i bı nuştedê xo yê Tesirê Zıwani ya xelata Nubıhar a hiremina 1994 an gırota. (Nubıharı pêserokêda menganeya u Estamol dı vıjêna).

Bewne / Qayt ke